Ish-presidenti amerikan, Donald Trumo nuk është më mik me ish-kryeministrin e izraelit, Benjamin Netanyahu, të cilin e akuzon për tradhëti, pasi i fundit uroi Joe Biden për fitore në zgjedhjet e fundit presidenciale në SHBA.

“Lëreni të persekutohet”, citohet të ketë thënë Trump, transmeton portal arbresh.info

Këtë koment Trump e ka bërë në një intervistë me gazetarin Barack Ravid, i cili është duke shkruar një libër mbi marrëdhëniet e SHBA-ve dhe Izraelit gjatë mandatit të Trump.

“Donald Trump dhe Benjamin Netanyahu kanë qenë aleatë të ngushtë politikë për katër vjet ndërsa ishin në pushtet, të paktën në publik. Kjo ka marrë fund,” tha Ravid. Ai shtoi se ishte takuar me Trump dy herë për librin e tij “Trump’s Peace: Marrëveshjet e Abrahamit dhe transformimi i Lindjes së Mesme”.

Dy herë, Trump, i cili kurrë nuk e ka pranuar humbjen elektorale, ka kritikuar ashpër Netanyahun, tani lider i opozitës izraelite.

“Më pëlqeu Bibi. Më pëlqen akoma. Por më pëlqen edhe besnikëria. Personi i parë që e uroi Biden ishte Bibi. Dhe jo vetëm që e uroi, por bëri edhe një video. Ai ishte ndër të parët. Nuk e kemi bërë që atëherë Le të ndiqet penalisht”, tha Trump në prill.

Trump ka theksuar se ka bërë më shumë për Izraelit dhe për Netanyahun se çdo president tjetër amerikan. Ai përmendi tërheqjen e Shteteve të Bashkuara nga marrëveshja për programin bërthamor të Iranit në vitin 2015, zhvendosjen e ambasadës amerikane në Jerusalem, qëndrimin e forcave amerikane në rajon dhe njohjen e sovranitetit të Izraelit mbi Lartësitë Golan.

“Unë e vlerësoj shumë kontributin e madh të Presidentit Trump për Izraelin dhe sigurinë e tij. Por gjithashtu e kuptoj rëndësinë e një aleance të fortë midis Izraelit dhe Shteteve të Bashkuara dhe kjo është arsyeja pse ishte e rëndësishme për mua të përgëzoja presidentin e sapozgjedhur,” pati deklaruar Netanyahu./arbresh.info/